Maansadii IBLAYS WAA CAAMO JECEL Abwaan (Aljabaraawi)

Maansada qiimaha badan ee la magac baxaday ibalays waa caamo  jecel wax tiriyaya abwaanka dad yara ee abwaan Cali Siciid  X Xasan Aljabaraawi ku magac dheer waxanu abwaanku kaga hadalayaa daganaashah uu aduunka ibalaysku nagu dagay Abwaan Aljabraawi Runtii Waa hal abuurada inoo badali doona hal abuuradeenii hore Waxanu Maansadiisa ku Bilaabaya

Aduun cilmibaa furfura

Dumara meherbaa casila

Ragana cudud xoogleh iyo

Cahdiyo balanbaa xayira

Dunidan ceegaagtayee

Dadkii lagu yidhi camira

Dambiga ku cawaynayaan

Xantana ku cashaynayaan

Hadaan shiikh caalinoo

Cawaaqibka uga warama

Casiiskeen aanu siin

Inay ciin daaqayaan

Cadaabku wehel uyahay

Cidee madaw kaga jiraa

Ibleys waa caamo jecel

Wuxuu cakiraa qofkii

Yaraanta ku ciirayee

Cadada gudcur moodayee

Ilahayna  caasiyee

Cibaadada baalka maray

Geeridu cagta socodka way

Intaa soo cidhib sataa

Caraabona maba taqaan

Adoo cabay oo cunoo

Meel daran ku cawaynayeey

Cagaha kaasoo gashaa

Adoo camal saalixiyo

Cibaado utaaganbay

Marqudha ku calaalisaa

Qabrigu waa meel cidlo ah

Cidhiidhina loogu tago

Asxaabtii  caalamkiyo

Cidaad garanaysay iyo

Majoogaan caarifiin

Waxase cid kuugu dhaw

Ciqaabkana kaa filan

Inuu camalkaa san yahay

Dadyahaw waxay nahay cadceed

Falaadh sii ciiraysoo

Habeenku casuumayoo

Hadana camalkay wadan la ciir viiraya oo

Culays badan uu ku hayo

Casiisaw allahayaw

Adaa caadiloo jiree

Cadaabkii naga xoree